EMRAT/ Të dënuar me nga 25 vite burg për vrasje, kush janë tre nga më të kërkuarit e Policisë. Njëri vrau dy vëllezër

Policia e Shtetit ka publikuar fotot e tre personave të tjerë të shpallur në kërkim, ndërsa janë dënuar nga 25 vite burg për vrasje.

Ata janë shtetasit

 

Pjetër Pacani, i dënuar me 25 vjet burgim.

86488190_2670789429874078_8413126520888885248_o

Në datën 18 janar 2011, pranë një karburanti në autostradën Lezhë-Tiranë, shtetasi Pjetër Pacani ka vrarë me armë zjarri shtetasit N. Z. dhe V. Gj.

Gjykata e Rrethit Tiranë e ka dënuar me 25 vite burg, për veprat penale “Vrasja në rrethana të tjera cilësuese” dhe “Armëmbajtja pa leje”.

Jak Gjini, i dënuar me 25 vjet burgim.

86489323_2670789469874074_8338013031850049536_o

Në datën 30 gusht 2003, në fshatin Tresh, Lezhë, shtetasi Jak Gjini ka vrarë me armë zjarri për motive të dobëta, shtetasin P. B. Gjykata e Rrethit Gjyqësor Lezhë e ka dënuar me 25 vite burgim, për veprat penale “Vrasja me paramendim” dhe “Armëmbajtja pa leje”.

Besmir Xhebexhia, i dënuar me 25 vjet burgim.

86462768_2670789509874070_1671754176733904896_o

Në datën 22.07.2000, Besmir Xhebexhia ka vrarë me armë zjarri, për motive të dobëta, vëllezërit A. N. dhe R. N. dhe ka plagosur rëndë duke i këputur krahun e djathtë, shtetasin H. N. Besmir Xhebexhia është dënuar nga Gjykata e Rrethit Gjyqësor Kukës, me 25 vjet burgim, për veprën penale “Vrasja me dashje”