Minjtë që luftojnë në metro/ Fotoja më e mirë e vitit

Londra mund të jetë qytet paksa agresiv, sidomos kur bëhet fjalë për rrjetin e ngarkuar me udhëtarë të metros. Këtë si duket e ndiejnë edhe minjtë e kryeqytetit britanik.

Dy prej tyre shihen duke luftuar në atë që është përzgjedhur si fotografia më e mirë e vitit.

Fotografia është shkrepur nga Sam Rowley, i cili e fitoi çmimin “Fotografi i Vitit”. Në garën për fotografinë më të mirë votuan rreth 28 mijë persona, të cilët patën mundësi që të zgjedhin mes 25 fotografive të ndryshme.

Image result for Sam Rowley,

Fotografi tha se i ka parë disa herë minjtë duke luftuar mes vete, ndoshta për shkak të ushqimit. Ai tha se minjtë e paraqitur në fotografinë e vitit luftuan vetëm një sekondë para se njëri prej tyre ta rrëmbente një thërrmijë buke dhe të ikte.

Fotografia fituese do të ekspozohet në Muzeun e Historisë Natyrore deri më 31 maj të vitit 2020, shkruan “Metro UK”, transmeton Gazeta Express.

Leave a Reply

Your email address will not be published. Required fields are marked *