“Mos e braktisni Shqipërinë!”, pedagoget marrin nismën e pazakontë: Të bindim të rinjtë që të mos largohen

Mos e braktisni Shqipërinë! Kjo është nisma më e fundit e ndërmarrë nga një grup studentësh dhe pedagogësh në Universitetin e Tiranës, në mënyrë që të bëhen tentativa për të ndaluar largimin masiv të të rinjve nga Shqqipëria.

Për të folur lidhur me këtë nismë kanë qenë në studion e lajmeve të Fax Neës mëngjesin e sotëm dy pedagoge të UT-së, Ilirjana  Kuçana dhe Harris Vongli, të cilat u shprehën se ka një largim masiv dhe të vetë studentëve, duke ndikuar jo vetëm në uljen e numrit të tyre në auditor, por edhe në cilësinë e brezave që po rriten .

”Ky ndërgjegjësim ka ardhur për shkak të braktisjes së auditorëve, ne menduam që të ndërmarrim një nismë që të rinjtë të mos braktisin vendin. Ka pasur një raport të frikshëm të OKB-së, ku thuhet se në vitin 2100 numri i banorëve në Shqipëri do të shkojë në 1.7 milionë, kur duhet të ishte krejt e kundërta. Ne duam t’iu themi të rinjve që të qendrojnë dhe ta bëjmë së bashku Shqipërinë”, u shpreh Kuçana.

“Shqiptarët po ikin për arsye nga më të ndryshmet, që janë ekonomike dhe politike, por ajo që është më shqetësuese është numri i ulët i lindjeve në vendin tone, kun ë vitin 2019 kishte të paktën 900 lindje më pak për çdo tremujor”, u shpreh Vongli.

“Është shumë shqetësuese që të rinj të moshës 17 vjeçare largohen për të punuar jashtë vendit. Do të ishte mirë që ata të largoheshin për të studiuar jashtë vendit, dhe më pas të ktheheshin dhe të jepnin kontributin e tyre në Shqipëri”, tha më tej Vongli.

Pedagoget u shprehën se kjo nismë synohet që të shtrihet në të gjitha universitetet e vendit, dhe në trevat shqiptare, në mënyrë që të ketë një ndërgjegjësim sa më të madh dhe të institucioneve që të punojnë për të mbajtur në atdhe pjesën më vitale të një shoqërie që janë pikërisht studentët dhe të rinjtë.

(E.K/Faxweb.al)

Leave a Reply

Your email address will not be published. Required fields are marked *