Sali Berisha kishte frikë nga Fatmir Haklaj, s’ia përmendi emrin kurrë si vrasës i Azem Hajdarit

Motra e Haklajve pohon se vrasësi i ish-liderit të Dhjetorit para selisë së PD është vëllai i saj, ndërsa Jaho Salihi, Izet e Ismet Haxhia s’kanë asnjë lidhje. Sali Berisha nuk e ka përmendur asnjëherë Fatmirin si vrasës, duke treguar qartë se vetëm emri i kësaj familjeje e tmerron dhe tani që vetëm njëri nga vëllezërit ka mbijetuar. Aq i tmerruar është sa ish-kreu i PD futet në “karantinë” sa herë që pjesëtarë të kësaj familjeje, sidomos nipi i Haklajve, vijnë në Shqipëri për vizita apo për pushime normale

Shpesh “Pamfleti.net” ka nënvizuar faktin se Sali Berisha i ka frikë Haklajt, dhe gjithnjë është i kujdesshëm në lëvizjet jashtë banesës sa herë që hyjnë e dalin në Shqipëri pjesëtarë të këtij fisi.Për më tepër kur vjen për hallin e tij nipi i Haklajve, ish-kryeministri futet në “karantinë” dhe nuk lëviz nga shtëpia deri kur të marrë informacion se ai i ka përfunduar të gjitha vizitat dhe pushimet e përvitshme në Shqipëri.

Njëherësh Berisha trembet dhe nga të vdekurit e Haklajve, frikë që e ka demonstruar gjatë gjithë këtyre viteve, kur asnjëherë nuk e ka përmendur emrin e Fatmir Haklajt si vrasës të Hajdarit.

Një fakt të tillë e ka konfirmuar dhe Zylfie Haklaj, motra e vëllezërve të vrarë nga kjo familje, e cila që nga Suedia ku është në azil, ka deklaruar në një emision televiziv se Sali Berisha kurrë nuk e ka përmendur emrin e Fatmir Haklajt.

“Shota” e Haklajve, teksa flet për situatën pas vrasjes së Azem Hajdarit para selisë së PD, shpjegon dhe intinerarin e lëvizjes së vëllait të saj Fatmir Haklaj dhe ish-shefit të Rendit Jaho Mulosmani nga Tirana në Tropojë. Por dhe deklaratat politike të asaj nate nga Sali Berisha.

Zylfie Haklaj këmbëngul se Jaho Mulosmani, i dënuar me burgim të përjetshëm për ekzekutimin e Hajdarit, dhe Naim Çangu, s’kanë marrë pjesë në vrasjen e ish-liderit të Dhjetorit.

Motra e Haklajve thotë se vrasja është bërë nga Fatmiri në kushtet e vetëmbrojtjes, pasi Hajdari po afrohej me pistoletë në dorë te makina e parkuar, ndërsa Çangu është përpjekur ta ndalojë.

Zylfie Haklaj shprehet e habitur me reagimin e liderit të Partisë Demokratike menjëherë pas ngjarjes, i cili akuzoi me emër si autor të krimit pikërisht Jaho Sali Mulosmanin. Për më tepër ajo nënvizon se Sali Berisha nuk e përmendi kurrë emrin e Fatmir Haklajt, sa kohë që ai ishte gjallë.

“Jaho ka qenë shef Rendi në Tropojë. Berisha ka thënë Jaho Mulosmani, pasi ka dashur ta bëjë politike. Ai e di që Jaho s’ka pasur asnjë ndikim në vrasjen e Azem Hajdarit”, rrëfen motra e Haklajve, duke hedhur në këtë mënyrë hije dyshimi mbi provat që janë përdorur për të dënuar me burgim të përjetshëm Jaho Mulosmanin.

Mbetet mister fakti se përse Berisha nuk e zuri kurrë në gojë emrin e Fatmir Haklajt. Kishte heshtur për shkak se i trembej hakmarrjes së Haklajve apo mund të kishte ndodhur e pabesueshmja, që Berisha nuk kishte informacion të saktë mbi autorësinë e krimit.

Madje, edhe kur Fatmiri u rikthye në polici në vitin 1999, ish-kreu i PD akuzonte vetëm PS se po vishte banditët me uniformë, por emrin e Fatmir Haklajt nuk e përmendi. “Kurrë nuk e ka përmendur emrin e Fatmirit, kur u kthye në detyrë akuzonte PS-në, por jo Fatmirin personalisht. Nuk e di a ka pasur frikë Berisha nga familja jonë. Por si çdo njeri prej mishi e gjaku, edhe Sali Berisha ka frikë”, tregon Zylfije Haklaj.

Edhe pse sot është pas hekurave të burgut, Jaho Mulosmani konsiderohet si një prej njerëzve më të rrezikshëm dhe mbështetës i familjes së Haklajve. “Nuk kemi tentuar për të kontaktuar, nga frika se mund t’u ndodhë ndonjë gjë. Po qendron në burg padrejtësisht Jaho Salihi. Është dënuar me burgim të përjetshëm nga fjala e Sali Berishës”, rrëfen motra Haklajve.

Njëherësh Zylfie Haklaj shprehet e bindur se as vëllezërit Izet dhe Ismet Haxhia, të dënuar me 25 dhe 20 vite burg, nuk kanë asnjë lidhje me vrasjen e Azem Hajdarit. Sipas saj, i vetmi “faj” i tyre është se kanë udhëtuar me një prej automjeteve me Fatmir Haklajn nga Tropoja për në Tiranë.

Një deklaratë kjo që i shkon për shtat dhe Izet Haxhisë, ish-truprojës së Sali Berishës, i cili është dorëzuar pranë autoriteteve turke e më pas është ekstraduar në Shqipëri pas shumë viteve në arrati. Aktualisht është në pritje të rigjykimit, ndërsa ka akuzuar fort Berishën për implikim në vrasjen e Azem Hajdarit dhe vrasjet e tjera të djemve të Tropojës.

Dalja në skenë e faktit se Sali Berisha ka qënë në dijeni se autori i vrasjes së Azem Hajdarit ka qenë vetëm Fatmir Haklaj, ndërkohë që kurrë nuk ia ka përmendur emrin, tregon qartë se ish-kreu i PD i trembej familjes së Haklajve.

Tmerri që kishte Berisha nga kjo familje në Tropojë, e cila me urdhër të tij shkoi drejt shuarjes, e pohojnë herë pas here vetë Haklajt autorësinë e ish-kreut demokrat, u përkthye me vite burg për njerëz që sipas motrës së Haklajve nuk kishin gisht në vrasjen e Hajdarit./Pamfleti

Leave a Reply

Your email address will not be published. Required fields are marked *