Takimi i Soreca me kreun e SPAK, reagon ambasadorja amerikane. Ja mesazhi që ka

Ambasadorja amerikane Yuri Kim ka reaguar në një postim në Twitter dhe thekson se SHBA mbështet me forcë sundimin e ligjit në Shqipëri dhe se SPAK duhet të ketë sukses.

 

“SHBA mbështet me forcë sundimin e ligjit në Shqipëri. SPAK duhet të ketë sukses!”, shkruan ambasadorja, postimi i të cilës është shpërndarë më pas edhe nga ambasada amerikane në rrjetet sociale.

 

Ndërkohë që sot ambasadori i BE në vendin tonë, Luigi Soreca ka zhvilluar një takim me kreun e SPAK, Arben Krajën.

 

 

 

kim ne twitter

 

Deklarata e ambasadores Kim bëhet pasi ajo ka shpërndarë në profilin e saj takimin që Soreca ka pasur sot me kreun e SPAK.

 

Vetë ambasadori i BE Soreca në postimin e tij pas takimit me Krajën shkruan:

 

“Takim shumë produktiv sot me Kryetarin e SPAK Z. Arben Kraja. Ne diskutuam sfidat e SPAK si institucion i ri. Diskutuam gjithashtu për rishpërndarjen e kompetencave me Prokurorinë e Përgjithshme dhe drejtoritë lokale, dhe zbatimin e ligjit të ri për masat parandaluese”.

 

kim per sorecen