Ultimatumi i radhës nga OFL/ Kërkohet deklarimi i pasurisë për dy vlonjatë të dënuar në Itali

Agjentja bjonde e Operacionit Forca e Ligjit ka publikuar sot emrat e dy “të fortëve” të tjerë të cilëve u është dërguar formulari për deklarimin e pasurisë.

Në një deklaratë për mediat, OFL bën të ditur se u ka dërguar kërkesat për vetëdeklarim të pasurisë shtetasve: Altin Çuçaj dhe Mikel Çuçaj banues të Vlorë, të dënuar në Torino për trafik të lëndëve narkotike.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.

Më pas, përgjigjet e marra do t’i dërgohen SPAK-ut, për veprime të mëtejshme.
Po në përmbushje të detyrave të përcaktuara në Aktin Normativ, OFL vijon veprimet e pandërprera, në bashkëpunim të ngushtë me Drejtoritë Vendore të Policisë në qarqe, duke kryer veprimeve komplekse, për të evidentuar dhe dërguar në SPAK të gjithë personat që janë subjekt i Ligjit Special