VIDEO/ Soreca kujton herën e parë që priti Bashën për liberalizimin e vizave: Një medalje për të cilën jam krenar …

Ambasadori i Bashkimit Evropian, Luigi Soreca ka folur për periudhën e liberalizimit të vizave të Shqipërisë, në vitin 2010 dhe takimin e parë që ka pasur me kreun e demokratëve, asokohe Ministër i Brendshëm, Lulzim Bashën.

Basha shoqëronte në atë kohë 50 personat e parë që udhëtuan për në Bruksel pa viza dhe ishte ambasadori Soreca që i priti në aeroport, ndërsa thekson se ndjehet krenar për medaljen e 15 dhjetorit, për liberalizimin e vizave.

“Një medalje për cilën unë në fakt jam krenar dhe është një medalje e datës 15 dhjetor të vitit 2010. Një datë shumë e rëndësishme kjo, liberalizimi i vizave.

Është data në të cilën për herë të parë kur 50 qytetarë të Shqipërisë fluturuan nga Tirana në Bruksel pa viza. Pra 25 të rinj dhe 25 persona më të moshuar të shoqëruar nga ministri i Brendshëm i asaj kohe, i cili ishte zoti Lulzim Basha.

Kur arritën në mesnatë në 00:01, në  dalje, në aeroport isha unë sepse unë isha personi me përgjegjësinë për procesin e liberalizimit të vizave me Shqipërinë”, është shprehur ambasadori Soreca, i ftuar në emisionin “Open”, në Top Channel.

Leave a Reply

Your email address will not be published. Required fields are marked *