Ylli Rakipi tallet me Bashën: I paaftë, vete zihet me kujdestaren e konviktit dhe pi kafe me dy hapa. Paloka: Ça pret, të marrim armët?

Gazetari Ylli Rakipi ka kritikuar kryedemokratin Lulzim Basha.

Ai tha se opozita nuk mund të bëjë këtë lloj fushatë si ajo e kreut të PD Basha, duke hedhur dyshimin që ose opozita është e paaftë ose është e kapur nga kryeministri Rama.

Madje ai shkon më tej ku ironizon strategjinë e fundit të kominikimit ku shfaqet duke blerë shegë apo duke i hapur frigoriferin qytetarëve.

Nëse kryetari i opozitës shkon dhe fillon procesin e fushatës për të pirë kafe me dy hapa, hapi i parë porosit kafen dhe hapi i dytë pi kafe, kur shkon dhe zihet me kujdestaren e konviktit, kur kryetari i opozitës shkon dhe merr shegë në pazar dhe megjithë këto gjëra që ndodhin, opozita shqiptare duket ose është e paaftë ose është e kapur nga Edi Rama.

 Përveç gjithë pushteteve që ka marrë Rama, ka marrë 90% të mediave  dhe ndoshta edhe opozitën. Le të dalë opozitë të shpjegojë se çfarë është duke bërë”, tha Rakipi.

Si përgjigje, nënkryetari i PD, Edi Paloka tha se Rama është njeriu më i urryer, ndaj çështja për largimin e tij nuk i takon vetëm opozitës:

“Unë e kuptoj iritimin e Yllit, si ai janë edhe 80% e shqiptarëve. Sot Rama është njeriu më i urryer. Po hajde të gjejmë zgjidhjen. Kjo nuk i takon vetëm opozitën. Doni të marrim pushkën, të bëjmë luftën?”

Leave a Reply

Your email address will not be published. Required fields are marked *