Super garanci dhe jetë jashtë Shqipërisë për dëshmitarin e çështjes Buçi

Raportohet se dëshmitari i ngjarjes tronditëse në familjen Buci është larguar nga Tirana. Ai është marrë në mbrojtje me gjithë familjen e tij nga ana e autoriteteve. Bashkëpunëtori i drejtësisë, emri i të cilit nuk është publikuar për arsye sigurie, është shoferi që transportoi Shkëlzenin në Malin me Gropa, ku edhe ndodhi ngjarja makabre me Eglantinën. Ndërkohë shoferi ka pak kohë që ka dalë nga burgu, pasi ishte dënuar bashkë me Shkëlzenin për një atentat ndaj aktorit Mishel Prela. Ai u arrestua në korrik të vitit 2017 me akuzën e bashkëpunëtorit, pasi Shkëlzen Buci i kishte kërkuar që të ruante lëvizjet e aktorit.