Krahasimi i Dukës: Ekonomia është në rënie, gjelat e detit janë më të lumturit se do rrojnë dhe një vit më shumë

Agron Duka, PAA

Kreu i PAA Agron Duka ka përdorur një krahasim për të ilustruar rënien ekonomike në vend. Sipas tij, fshatarët ankohen se gjelat nuk po shiten në Vitin e ri.

Për këtë, Duka u shpreh mbrëmjen e djeshme në Ora News se gjelat e detit janë më të lumturit këtë vit pasi nuk po shiten dhe do të rrojnë një vit më tepër.

“Kam dy orë që jam nisur nga Durrësi, sepse sapo të bien 5 pika shiu përmbyset Durrësi. Në autostradë ishte bërë pellg me ujë. Nuk bën vaki në asnjë vend të BE që të ketë një grumbull uji, angari që të mos ketë 10-15 km përpara paralajmërim që diku ka aksident apo ujë. Këtu i vendos jetën njerëzve në rrezik. S’ka asnjë sinjalistikë.

Më të lumturit tani për vitin e ri janë gjelat e detit, sepse do rrojnë edhe një vit më shumë. Po skarcohen më pak se vitet e tjera. Ankohen fshatarët që kultivojnë gjelat se nuk shiten. Kjo tregon se ka rënie ekonomike. Kjo na intereson ne”, tha Agron Duka, kreu i PAA.