36 ambulanca të reja/ Rama: Imagjinoni të binte pandemia në kohën e karrocave me 4 rrota të Berishës

36 autoambulanca të reja i janë shtuar flotës së Urgjencës Kombëtare. Në prani të ministres së Shëndetësisë, Ogerta Manastirliu dhe kreut të Urgjencave, Skënder Brataj, kryeministri Rama tha se situata do të jetë më e qetë pasi të mbarojë koronavirusì. Ndërsa shtoi se nëse pandemìa do të na kishte gjetur në kohën kur në krye të ministrisë së Shëndetësisë, ishte LSI, vendin do ta kishte gjetur hataja.

“Me 36 autoambulancat e reja moderne, përmbyllet programi i transformimit të flotës sonë të Urgjencës Shëndetësore, nga një inventar karakatinash me 4 rrota në një fuqi të motorizuar e të pajisur me standardet më të mira europiane, e cila sot ka kapacitetin e plotë në kryerjen e misioneve të saj në territorin e Shqipërisë, 24 orë në 7 ditë të javës. Imagjinoni vetëm sikur pandemìa ta kishte gjetur Shqipërinë me katërrotakët e katërshes së sotme opozitare dhe sidomos me LSI në drejtimin e shëndetësisë, se çfarë hataje kombëtare do të kishte qenë”, shkruan Rama në facebook./L.F-dritare.net