Arrihet pakti / Shpartallohet banda e Ilir Metës dhe Monikës, Rama i merr ish-deputetët hajdutë, Basha e lë vetëm në zgjedhje, LSI prek fundin politik

Pas Ramës dhe Bashës, edhe Shpëtim Idrizi, Fatmir Mediu, Vangjel Dule, Ndoka dhe Shehi braktisin LSI-në. Ditën që Nasip Naço kaloi me Ramën, Basha shpalli paktin që asnjë parti nuk do të bëjë koalicion me LSI-në. A ka dorë Perëndimi në shkrirjen e LSI-së?

Lëvizja Socialiste për Integrim, ndërmarrja familjare e Ilir Metës dhe Monika Kryemadhi, banda më e madhe grabitëse në Ballkan, po prek fundin e saj politik.

Katër muaj para zgjedhjeve parlamentare të 25 prillit, Edi Rama dhe Lulzim Basha, kanë riaktivizuar edhe një herë planin e tyre të 17 majit 2017, për eliminimin e LSI, si një mutacion politik, që lëviz sa nga PS-ja tek PD-ja, sipas interesave dhe pazarit më të mirë. Ditën e djeshme, ish-ministri i Drejtësisë dhe ish-deputeti, Nasip Naço, një nga figurat kryesore të LSI në Berat, ka vendosur të braktisë ndërmarrjen e Metës dhe Monikës, duke u bashkuar zyrtarisht me Edi Ramën.

Më parë, me Edi Ramën ka kaluar edhe Lefter Koka, një ish-pikë e fortë e Ilir Metës në Durrës.

LSI-në e ka braktisur edhe deputeti tjetër i saj, Robert Bitri, duke u bashkuar me Edi Ramën. Edmond Haxhinasto, njeriu i besuar dhe i aferave të Metës dhe Monikës, pothuajse e ka braktisur LSI-në.

Spartak Braho, një nga njerëzit më të besuar të Metës, sidomos kur Meta po rrezikonte burgun në vitin 2012, është bashkuar me Edi Ramën. Madje, Braho ka ndarë me Ramën edhe sekrete të tmerrshme të Ilir Metës dhe Monika Kryemadhit. Meta dhe Monika ka janë braktisur edhe nga Agron Çela në Shkodër, i cili është parë shpesh me Edi Ramën. Pra, Rama ka arritur t’i marrë Metës të gjitha pikat kyçe në qytetet kryesore të vendit.

Ditën që Nasip Naço braktisi ndërmarrjen e Metës dhe Monikës, duke u bashkuar me Ramën, LSI ka marrë një goditje të fortë nga Lulzim Basha. Ky i fundit shpalli planin se me LSI-në nuk do të bëjë aleancë asnjë parti në zgjedhjet e 25 prillit 2021. Plani u komunikua nga kreu i LZHK-së, Dashamir Shehi, i cili tha se 5 parti kishin arritur një pakt me Lulzim Bashën, për të garuar në listën e PD, ndërsa LSI do të garonte e vetme.

Bëhet fjalë për partitë e Fatmir Mediut, Nard Ndokës, Vangjel Dules, Shpëtim Idrizit dhe vetë Dashamir Shehin. Të gjithë së bashku, në koordinim me Bashën, ka vendosur ta lënë vetëm LSI-në në zgjedhjet e 25 prillit.

Dashamir Shehi tha se “Ne grupi opozitar i 5 partive që kemi qenë më parë në parlament i jemi bashkangjitur listës së PD-së. Kjo është një çështje e mbyllur. Tani do caktohen vetëm numrat dhe vendet. Deri tani mendohet që LSI do të dalë me siglën e vetë”. Nuk dihet me saktësi nëse kjo lëvizje është bërë me lejen apo pa lejen e Sali Berishës, i cili është aleati i vetëm dhe i fundit i Ilir Metës. Gjithashtu, nuk dihet ende nëse plani për të shkrirë LSI-në është një skenar i Perëndimit apo vetëm një plan i Lulzim Bashës dhe Edi Ramës./Pamfleti

Leave a Reply

Your email address will not be published. Required fields are marked *