Dita e ujit të bekuar kthehet në tragjedi, 25-vjeçari u hodh për të kapur kryqin godet kokën në shkëmb, përfundon në koma (VIDEO)

Një ngjarje e rëndë ka ndodhur ditën e sotme në rituali i përvitshëm të “Ujit të bekuar” nga besimtarët ortodoksë.

Pjesë e ritualit fetar është edhe kredhja në ujërat e akullta të janarit, duke sfiduar të ftohtin, për të kremtuar festën, zanafilla e së cilës lidhet me pagëzimin e Jezusit nga Gjon Pagëzoi në lumin Jordan.

Mediat greke bëjnë me dije se në momentin kur është hedhur kryqi në ujë është plagosur rëndë një 25-vjeçar, kur u hodh për ta kapur atë.

Në videon e mëposhtme shihet momentri kur i riu hidhet në uje dhe me pas është nxjerrë nga disa persona të tjerë.

Dyshohet se kur është hedhur 25-vjeçari ka goditur kokën në një shkëmb. 25-vjeçari është në koma dhe në rrezik për jetën.

Ai do të dërgohet në një spital në Athinë për tiu nënshtruar një ndërhyrjeje kirurgjikale.