Pas dy javësh fillojmë vaksinimin e 500.000 shqiptarve mbi 18 vjeç

Elisa Spiropali

Ministrja për Marrëdhënien me Parlamentin, Elisa Spiropali komentoi rritjen e pagës minimale në 30 mijë lekë, të cilën pranoi se nuk është e mjaftueshme, por në këto momente është fakt pozitiv.

Nga studio e emisionit “Dekalog” në Rtsh, Spiropali nuk kurseu as akuzat për kundërshtarin politik, Lulzim Basha.

“Lulzim Basha është në gjumë dhe kur zgjohet nga gjumi, gjen një familje edhe thotë: Oh sa keq jetokan këta, i ka rënë një tërmet! Shkojeni verifikoni. Rritëm pagën minimale. Në vitin 2013 ishte 20 mijë lekë (të reja), tani është 30 mijë lekë (të reja). A është e mjaftueshme? Jo, por në këtë periudhë krize ne bëjmë rritje,” tha fillimisht Spiropali.

Më tej, Spiropali tha se procesi i vaksinimit të Covid-19 në vendin tonë mund të nis edhe më herët se javën e tretë të janarit.

“Do të nis në javën e tretë të janarit. Mund të fillojë edhe më herët. Sot, vizituam ambientet e stadiumit ku do kryehet ky proces. Edhe në këtë pikë ne kemi lëvizur shumë shpejt.Serbia ishte e para që mori vaksinën dhe më pas e siguruam ne. Ne siguruam dozat për vete dhe për Kosovën. Do ndihmojnë edhe Kosovën,” përfundoi Spiropali.