Italia merr vaksinë tjetër: “Rezultat më të mirë se Pfizer dhe Moderna”

Vaksina e kompanise italiane ReiThera

Kompania italiane ReiThera ka njoftuar se ka zhvilluar një tjetër vaksinë kundër koronavirusit, e cila është 92.5% efektive dhe e provuar në 100 vullnetarë.

Sipas kompanisë, vaksina e zhvilluar nga ReiThera ka dhënë rezultate më të mira se vaksinat e prodhuara nga Pfizer dhe Moderna, pasi nuk ka asnjë efekt anësor.

Komisioneri Italian për pandeminë e COVID-19, Domenico Arcuri, tha se qeveria ka caktuar një sasi burimesh të mjaftueshme për të vazhduar me fazën 2 dhe 3 të vaksinës.

“Rezultatet e para të vaksinës të zhvilluar nga ReiThera dhe të testuara në Institutin Spallanzani janë inkurajuese. Nëse të dhënat e marra deri më tani konfirmohen, në muajt e ardhshëm do të kemi një vaksinë efektive dhe të sigurt me një dozë të vetme në vend të dy dozave”, tha ministri i Shëndetësisë Roberto Speranza.

Sipas presidentit të kompanisë ReiThera, synohet që të prodhohen 100 milionë doza në vit, ndërkohë që vaksina mund të ruhet në temperaturë midis 2 dhe 8 gradë.

 

 

Leave a Reply

Your email address will not be published. Required fields are marked *