Rama: Do ta rindërtojmë edhe tunelin e Vlorës, Saliu e ka bërë si WC

Kryeministri, Edi Rama është sot në Vlorë. Ai ka inspektuar punimet për rrjetin e ujësjellësit, me tri projekte të financuara nga qeveria shqiptare, të cilat do të pasohen nga projekti përmbyllës i furnizimit me ujë 24 orë të gjithë qytetit. Kryebashkiaku i Vlorës, Dritan Leli tha se, janë 15 milionë euro investime që do të japin zgjidhje për furnizimin me ujë të pijshëm në zonat problematike. Përveç përfundimit të punimeve për ujësjellësin, Rama i ka dhënë një tjetër porosi Lelit, të rindërtojë tunelin e Vlorës.

“Edhe ky duhet bërë. Këtë e bëri Saliu. Që duket si hyrja në një banjë publike. Edhe ajo lart si një posejdon. Të hiqen pllakat e banjës dhe e gjitha duhet bërë dhe integruar me shkëmbin. Dhe pjesa finale të lidhet me platformat.”,– tha Rama./K.C/dritare.net