Si e shpalli Berisha, Non Grata kongresmenin Engel në vitin 1996

Nga Mero Baze

Kongresmeni legjendar i demokratëve në New-York, Eliot Engell, ka mbajtur fjalimin e lamtumirës së tij nga politika, pasi ka dal në pension. Ai ka patur një lidhje të veçant me komunitetin shqiptar në SHBA dhe është angazhuar fuqimisht në çështjen e Kosovës prej viteve 90.

Me ikjen e tij shikoj një vërshim urimesh e mirënjohje nga politikanë shqiptar në Tiranë dhe Prishtinë, duke postuar fotografi me të dhe duke e falenderuar për kontributin e tij për shqiptarët.

Shumica e atyre që e urojnë janë në të vërtet problemi i shqiptarëve në politikën amerikane, që as Eliot Engel dhe as politika amerikane nuk ua zgjidhi dot.

Urimet më panagjerike për të nga Shqipëria i ka bërë Sali Berisha dhe Ilir Meta. Nuk po llogarisë Kastriot Islamin se ai e bën instiktivisht po lexoi që e ka bërë Berisha.

Në fakt Eliot Engell ishte një mik i sinqert i shqiptarëve, të cilin shumica e politikanëve shqiptarë në Tiranë dhe Prishtinë, e përdornin për të bërë fotografi dhe për tu dukur proamerikan. Eliot Engell nuk ishte për ata dikush që ata e dëgjonin dhe respektonin, por dikush që e përdornin.

Në krizën e viti 1995 kur Berisha ktheu nga kufiri në Kapshticë kongresmenin Tom Lantosh se shoqërohej me Nikolas Gejxh, të cilin e shpalli person “a non grata” ai refuzoi po ashtu dhe ndërhyrjen e kongresmenit Engell, për këtë çështje.

Më 1996 kur refuzoi takimin më nënsekretarin e Shtetit Timothey Wirth, përsëri zoti Berisha zbrapsi një vizitë të Engelit në Shqipëri për ta bindur të mos përballej me politikën amerikane pas vjedhjes së votave më 26 maj.

Kjo është tipologjia e sjelljes së gjithë politikanëve të Shqipërisë dhe Kosovës ndaj Engel-it.

Ai ishte një politikan i urtë , i dobishëm për shqiptarët që donin vërtet SHBA, por jo për shqiptarët që donin të përdornin SHBA.

Të gjithë këta që “vajtojnë’, aq sa të duket sikur Eliot Engel ka vdekur, nuk janë shqiptarët që nderojnë Engellin, si një kongresmen amerikan pro shqiptar, por janë shqiptarët që u ka ikur një njeri me të cilin dilnin foto në Washington, e gënjenin shqiptarët këtu.

Eliot Engel nuk refuzonte askënd. Ai mund të udhëtonte deri në Micigan nëse e thërrisnin 20 shqiptarë në një takim. Mund të takonte cdokënd e të dëgjonte të gjithë.

Por politikanët shqiptar nuk e donin për ta dëgjuar, por për t’u fotografuar dhe për të mbushur deficencat e tyre në Tiranë që të dukeshin si proamerikanë. Ndaj sot askush nuk ka asgjë për të treguar për të përvec fotografive.

Ai ishte politikani i duhur për ta, pasi nuk i poshtëronte publikisht, ose nuk i refuzonte, por thjesht i linte ta përdornin. Ndaj sot, të gjtihë ata që kanë pasur probleme me SHBA si politikanë, të gjithë ata që kanë paguar miliona të duken si proamerikan, po qajnë dhe për Eliot Engellin, pasi me atë dilnin foto pa lek dhe sa herë që nuk i prist askush në SHBA e kishin të sigurt një foto tek kafja e Kongresit.

Tani ai iku nga Kongresi. Ua qaj hallin me kë do dalin në foto, kur mos ti pres askush. Vetëm po gjetën Fatmir Mediun rrugëve t’i prezantojë me ndonjë amerikan që ngjan si kongresmen./Tema