Sondazhi i Institutit Piepoli: Partia Socialiste merr mandatin e tretë, rritje edhe për PD-në, LSI rënie drastike në krahasim me vitin 2017

Basha – Rama – Kryemadhi

Instituti italian “Piepoli” në bashkëpunim me Report Tv kanë publikuar mbrëmjen e sotme rezultatet e sondazhit të tretë për zgjedhjet e 25 prillit.

Sipas këtyre rezultateve, nëse zgjedhjet do të zhvilloheshin sot, Partia Socialiste do të merrte mandatin e tretë pasi do të votohej nga 47-51%.

Rritje do të kishte edhe për Partinë Demokratike, e cila nga 28.7% në zgjedhjet e 2017-ës do të shkonte në 33-37%.

Rënie drastike do të pësonte Lëvizja socialiste për Integrim, e cila do të merrte 4-8% të votave, në krahasim me 14.28% që ka marrë në vitin 2017.