Unë s’jam Lulzim Basha: “Jap dorëheqjen, njoh humbjen dhe po largohem”

Isa Mustafa

Kreu i LDK-së Isa Mustafa që dha dorëheqjen sot paradite pas humbjes së madhe të zgjedhjeve të 14 shkurtit deklaroi se ai vetë as nuk e priste që vota popullore të ishte kaq e madhe kundër LDK, raporton newsbomb.al.

“Nuk e prisnim një ndryshim kaq të madh në një periudhë kaq të shkurtër” tha Isa Mustafa, kreu i LDK i dorëhequr tashmë, ndërkohë që garantoi të gjitha strukturat se edhe para 60 ditëve (koha statutore në dispozicion) do të mblidhet kuvendi I ri I LDK-së që do të nxjerrë kandidatin e ri për kryetar partie.

Deklarata e plotë e Isa Mustafës

Kishim kryesinë e LDK që e thirra unë pas rezultatit të zgjedhjeve të fletëvotimeve të numëruara deri më tani. Unë vlerësoj personalisht që rezultati është shumë i keq për LDK, është një rezultat që nuk e prisnim duke nisur nga puna në terren, por edhe nga kandidati ynë për kryeministër zoti Hoti që ka bërë një punë mjaft të mirë, të suksesshme ka prezantuar programin qeverisës dhe ka komunikuar me votuesit dhe simpatizantët. Por vota e qytetarëve është ajo që respektohet dhe në shenjë respekti dhe për hapjen e rruygës për riorganizim të LDK kam njoftuar kryesinë se do thërras Kuvendin për zgjedhjen e kryetarit të ri të LDK, në statut e kemi 60 ditë por do ta bëjmë më shpejt. Dhe ndërkohë ne do bëjmë përgatitjet përmes kryesisë që procesi të kryhet sa më sukses. Mbaj përgjegjësi objective pa marrë parasysh që vetë nuk kam qenë në process zgjedhjesh por duhet ta ruajmë LDK dhe të rikthehet si forcë politike sepse I nevojitet kosovës.

Kur e thërras kuvendin kjo është një shenjë që tërhiqem dhe kryetari do zgjidhet aty. Unë do të tërhiqem.

Nuk jemi tani, do të bëjmë përgatitjet nuk e kemi formalizuar këtë process, do të ulemi shpejt dhe të shohim se cfarë interesimi kemi dhe të përfundojmë këtë process dhe të gjejmë një kandidatë apo të kemi konkurrencë.

Deri tani nuk ka shpallur njeri kandidaturën. Unë atë qe e shoh tani nuk mund ta shpjegoj sepse kemi një gjendje që nuk është as provuar akoma dhe të kemi ndryshime të tilla për një peridhë kohore, mbetet cështje fryme, e qytetarëve dhe të presim se cka do të ofrojë qeveria e re. Eshtë një process që është zhvilluar në rregull. Vota është vullnet i qytetarëve. Ne do të mobilizohemi do të punojmë në mënyrë që LDK të kthehet të jetë forcë e fuqishme në Kosovë.