10 fakte për mbretëreshën Sofia të Spanjës, e ftuara më e rëndësishme e dasmës së Princ Leka

E ftuara më e rëndësishme në dasmën mbretërore të mbajtur të shtunën në Tiranë, padyshim që ishte mbretëresha Sofia e Spanjës. Pjestarja e një prej monarkive më të rëndësishme në Europë, këtë fundjavë ka shkelur për herë të parë në Tiranë, ndonëse është rritur fare pranë Shqipërisë.

Ja 10 fakte që nuk i dini për mbretëreshën Sofia të Spanjës.

1.Ka lindur në Athinë të Greqisë nën titullin princesha Sofia e Greqisë (nga babai) dhe e Danimarkës (nga mamaja).

2.Ajo është martuar me kushëririn e saj të tretë, mbretin Juan Carlos, të cilin e ka njohur gjatë një udhëtimi turistik luksoz me kroçiere në ishujt grek.

3.Vëllai i saj, mbreti Constantine i Greqisë, është nuni i princit William të Britanisë së Madhe.

4.Nga martesa me mbretin Juan Carlos, Sofia ka tre fëmijë dhe bashkëshorti i vajzës së saj Infanta Cristina, pak kohë më parë u përfshi në një skandal mashtimi financiar.

5.Ajo është e apasionuar pas sportit, është e përfshirë në kauza të shumta humanitare dhe flet 5 gjuhë të huaja: spanjisht, anglisht, frengjisht, greqisht, gjermanisht.

6.Në vitin 2012, familja e saj u përfshi nga skandali pasi u përfol se mbreti Juan Carlos e tradhtonte atë prej 10 vitesh me një aristokrate gjermane 27 vite më të re se ai, e cila madje e kishte shoqëruar në një udhëtim gjuetie në Botswana.

7.Sofia cilësohet si një ikonë stili ndër familjet mbretërore në të gjithë botën. Eleganca e saj dhe klasi që e karakterizon ka bërë që ajo të përfshihet gjithnjë në listat e aristokratëve të veshur më bukur.

8.Ajo nuk është më zyrtarisht mbretëreshë pasi bashkëshorti Juan Carlos ia la fronin mbretëror djalit të tij Felipe VI. Sofia tashmë është vjehrra e mbretëreshës së famshme Letizia.

9.Krahasuar me bashkëshortin e saj, Sofia nuk ka pushtet të konsiderueshëm dhe janë të rralla rastet kur ajo mer pjesë në diskutime të çështjeve të rëndësishme. Ajo është quajtur “aristokratja më e vetmuar e Europës”.

10.Ajo është kundër komunitetit gay, kundër abortit dhe mbron edukimin fetar në shkolla.