13 të vdekur në një aksident me autobus

Të paktën 13 persona kanë humbur jetën ndërsa më shumë se 30 të tjerë kanë mbetur të plagosur në jug të Kalifornisë, pasi një autobus turistësh u përplas me një kamion.

Sipas mediave amerikane, pjesa më e madhe e pasagjerëve janë nga Amerika Latine. Aksidenti ndodhi në Interstate 10, pranë një qyteti resort në Palm Springs, në orët e para të së dielës.

Hetuesit po ekzaminojnë shkaqet e përplasjes, që ndodhi gjatë kohës që autobusi ishte nisur për në Los Angeles.

5 prej të plagosurve mësohet se ndodhen në gjendje kritike për jetën,

“Los Angeles Times” e përshkruajti aksidentin si më të rëndin në Kaliforni prej disa dekadash. Autobusi mësohet se u përplas me shpejtësi të madhe me pjesën e pasme të kamionit, duke mbetur thuajse totalisht i shkatërruar.

Pjesa më e madhe e atyre që humbën jetën ndodheshin në fillim të automjetit. Mes viktimave është edhe shoferi i autobusit.

Momentalisht shkaqet e kësaj ngjarje të rëndë mbeten të panjohura./tvklan.al

248