15 mijë tifozë nga Kosova për të parë ndeshjen në ‘Loro Boriçi’

Në orën 20:45 do të luhet ndeshja midis Kosovës dhe Kroacisë në kuadër të eliminatoreve të Botërorit që do të zhvillohet në Rusi në 2018.
Ndeshja do të luhet në stadiumin ‘Loro Boriçi’ në Shkodër, ku pritet që të jetë i tejmbushur me tifozë.

Sipas policisë, ditën e sotme për të ndjekur këtë ndeshje janë futur në pikën kufitare të Morinës pasditen e sotme rreth 15.600 tifozë nga Kosova.

Gjithashtu bëhet e diture se në Shqipëri për në drejtim të Shkodrës janë futur 77 autobusë dhe 2538 vetura nga Kosova. /GazetaExpress/