17 vjeçari shqiptar pjesë e grupit që shpërndante kanabis në shkolla

Policia greke ka goditur një grup adoleshentësh që merrej me shitjen e kanabisit në afërsi të një shkolle në Heliopolis.
Të paktën 5 adoleshentë kanë përfunduar në pranga, midis të cilëve edhe një 17 vjeçar shqiptar. Ata merreshin me shitjen e kanabisit në Heliopolis dhe Hymettus.

Pas nisjes së operacionit gjatë fundjavës që lamë pas, policia ka arrestuar fillimisht 17 vjeçarin shqiptar, i cili u prangon në ambientet e jashtme të një shkolle në zonë.

Më pas u arrestua një 15 vjeçar egjiptianë dhe dy 16 vjeçar grekë. Më vonë u arrestua edhe një 17 vjeçar po grek.

Hetimi për grupin ka nisur rreth 6 muaj më parë, për të zbuluar se nga furnizoheshin dhe se si e shisnin drogën tek nxënësit e mitur, veçanërisht nëpër shkolla.

Pas operacionit, janë sekuestruar disa doza kanabis sativa (në foto). Të arrestuarit janë dërguar në Prokurorinë për të mitur në Athinë.