3 diplomatë të lartë turq kërkojnë azil në Gjermani

Të paktën tre diplomatë turk kanë kërkuar azil në Gjermani pas tentativës për grusht shteti më 15 korrik.

Sipas informacioneve të publikuara nga disa media gjermane, midis atyre që kanë kërkuar azil është edhe ushtaraku iAmbasadës Turke në Berlin, nënkoloneli Ajhan Dagli, i cili pas tentativës për puç është zhdukur së bashku me bashkëshorten e tij.

Ankaraja i ka shpallur si të pavlefshme pasaportat e tetë diplomatëve të saj në Gjermani, ndërsa punonjësit e tyre i ka shkarkuar për lidhje me organizatën e Fetullah Gjulenit të cilin Erdogani e konsideron si organizatorin p për grushtin e shtetit.

Mediat gjermane citojnë burime qeveritare të cilat nuk përjashtojnë që numri i azilkërkuesve mes diplomatëve turk në Gjermani të jetë edhe më i madh.

Sipas Agjencisë Federale për Emigracion dhe Refugjatë, diplomatëve turk ende nuk i është dhënë përgjigje nëse do të marrin azil, ose jo.