34 viktima në SHBA, kërcënon dhe uragani Nicole

Ka shkuar në 34 numri i viktimave si pasojë e uraganit Matthew në Shtetet e bashkuara të amerikës. Vendi më i prekur nga stuhia vdekjeprurëse është Karolina e Veriut, në të cilën kanë humbur jetën 18 peroona.

Situata është e vështirë edhe në Florida, ku stuhia ka shkaktuar 9 të vdekur. Shumica prej tyre kanë humbur jetën të bllokuar në automjete të cilat i ka marrë rjedha e ujit bashkë me erërat e forta. Uragani Matthew shkaktoi një tragjedi në Haiti, me mbi 500 të vdekur, zona të tëra të zhdukuara nga harta, shtëpi të shkatëruara dhe mijëra perosna që vuajë nga mungesa e ujit të pijshëm, ushqimeve dhe medikamenteve.
Shtëpia e Bardhë njoftoi se Presidenti i Shteteve të Bashkuara të Amerikës Barack Obama ka shpallur gjendjen e jashtëzakonshme në Karolinën e Jugut, ku ka ofruar edhe ndihmë nga qeveria federale përveç ndihmave të shpërndara nga pushteti lokal.

Obama u ka bërë apel banorëve të ndjekin dhe të respektojnë udhëzuesit e autoritetve, pasi rreziku i përmbytjeve ende nuk ka kaluar. Por asgjë nuk ka përfunduar me kaq, një tjetër uragan, i quajtur Nicole, i pikasur në Oqenanin Atlantik me drejtim nga ishujt Bermuda, atje ku është deklaruar tashme edhe alarmi. Sipas qendër kombëtare të uraganëve në Miami, stuhia po udhëton me një shpejtësi prej 140 kilometër në orë dhe parashikohet që të rrisë shpejtësinë para se të mbërrijnë të enjten ishujt.
Ekpertët e kanë përcaktuar si uragan të kategorisë së dytë.