50 kg drogë në Shkodër, kapet një nga trafikantët. Ja çfarë iu gjet në banesë

Ndalohet një nga 3 autorët e dyshuar, të shpallur në kërkim në lidhje me operacionin e zhvilluar në datë 21.10.2016 ku u sekuestruan rreth 50 kg lëndë e dyshuar narkotike kanabis sativa, 250 bimë në proçes tharje dhe 2 armë zjarri automatike.

Nga shërbimet e Drejtorisë Vendore të Policisë Shkodër, në bazë të informacioneve të siguruara në rrugë operative, u bë i mundur lokalizimi i vendndodhjes, kapja dhe arrestimi i shtetasit Pllumb Shpati, 47 vjeç, banues në Shkodër.

Në banesën e tij dhe të shtetasit L.Sh në fshatin Megulle, Shkodër u gjetën dhe u sekuestruan në cilësinë e provës materiale :

-rreth 39 kg lëndë e dyshuar cannabis sattiva
-250 bimë në proçes tharje të cilat u asgjesuan me anë të djegies
-një automatik mod. 56 me krëhër me 30 fishekë

Materialet i kaluan për veprime të mëtejshme Prokurorisë së Rrethit Gjyqësor Shkodër për veprat penale”Prodhimi dhe shitja e narkotikëve” në bashkëpunim dhe “Prodhimi dhe mbajtja pa leje e armëve luftarake dhe municionit” parashikuar nga nenet 283/2 e 278 të Kodit Penal.