Më 9 nëntor shqiptarët me sytë nga Brukseli. Gjosha: Reforma në drejtësi u votua, KE të mbajë premtimin

TIRANE- Shqipëria pothuajse i ka mbaruar “detyrat e shtëpisë” të lëna nga misioni europian, ndaj tashmë është në pritje të një note kaluese për të kaluar në fazën tjetër. Në një intervistë për “News 24”, ministrja e Integrimit Klajda Gjosha thotë se data 9 nëntor, po pritet me optimizëm.

Në rast të një rekomandimi pozitiv, për numrin një të Integrimit Shqipëria nuk duhet të druhet nga vota kundër e ndonjë shteti anëtar të BE.

Por data 9 nuk është e vetmja e rëndësishme në këtë nëntor. Tre ditë më herët se kjo datë, LSI do të ketë kryetarin dhe strukturat e reja.

Ndërkaq, ministrja Gjosha, e cila ka ndjekur nga afër fushatën për zgjedhjet vendore në qarkun e Korçës, sqaron arsyet se pse PS iu la dorë e lirë për kandidatin e Kolonjës.