Aksident në Durrës, plagosen 5 persona

Si pasojë e një aksidenti në Durrës, të paktën pesë persona kanë mbetur të plagosur.
Mësohet se aksidenti ka ndodhur pasditen e djeshme, ku Altin Qokaj, duke drejtuar mjetin tip “Wolkswagen” me targa AA 839 GE është përplasur me mjetin tip “Lancia” me targa AA 116 HY me drejtues shtetasin M.Ç., 37 vjeç, banues në Durrës.

Policia informon se për pasojë janë aksidentuar drejtuesi i mjetit tip “Lancia” dhe pasagjerët në mjetin e tij shtetasit F.K. 21 vjeç dhe F.C. 53 vjeç, dhe pasagjerët në mjetin tip “Wolkswagen”, shtetasit B.K. 33 vjeç dhe P.L. 59 vjeç, banues në Durrës, të cilët ndodhen në Spitalin Rajonal Durrës jashtë rrezikut për jetën.

Nga testi i alkoolit të bërë shtetasit Altin Qokaj rezultoi se kishte konsumuar alkool në masën 0.74 mg/litër.

Materialet iu kaluan Prokurorisë së Rrethit Gjyqësor Durrës për veprime të mëtejshme për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”, parashikuar në nenet 290 dhe 291 të Kodit Penal.