Aksident tragjik në Greqi, vdes shqiptari, lë 3 fëmijë jetim

Një shqiptar ka humbur jetën si pasojë e një aksidenti automobilistik, pasditen e së mërkurës, në Patra të Greqisë.

Viktima është një 39-vjeçar me iniciale S.K., raportojnë mediat lokale.

Ai po udhëtonte me motoçikletë kur u përplas me një kamion të parkuar.

Fillimisht, 39-vjeçari nuk ka shfaqur probleme, madje ka qenë i vetëdijshëm dhe është ngritur në këmbë. Por, në orët në vijim, ka ndërruar jetë në spital, ku dyshimet e para janë për shkak të dëmtimeve të brendshme.

Raportohet se viktima është baba i tre fëmijëve.