Aksident tragjik në Sukth, vdesin 3 vajza dhe 1 djalë

4 të rinj kanë humbur jetën si pasojë e një aksidenti tragjik të ndodhur rreth orës 4:30 të mëngjesi të sotëm në autostradën Tiranë Durrës. Dy mjete tip Benz janë përplasur kokë më kokë pranë Sukthit, ndërsa viktimat janë 3 vajza dhe 1 djalë.

Burime nga vendngjarja bëjnë me dije se në mjetin tip Benz me targa AA979GV i cili drejtohej nga djali udhëtonte në sens të kundërt të autostradës. Mësohet se 36-vjeçari me inicialet D.D që ka humbur jetën është nga Durrësi. Në mjetin tjetër tip Benz me targa AA694IL udhëtonin 3 vajza, njëra nga të cilat mësohet se është nga Tirana. Nga hetimet paraprake dyshohet se drejtuesja e mjetit me targa AA 694 IL ka qenë Greta Sherifi, nga Saranda dhe njëra nga pasagjeret shtetësia I.B. 33 vjeçe, banuese në Tiranë, ndërsa nuk është identifikuar vajza tjetër. Dyshohet se 36-vjeçari drejtonte mjetin me shpejtësi mbi 150 km në orë.