Aksident tragjik në Tiranë, makina përplas për vdekje fëmijën 10 vjeç

Një aksident tragjik ka ndodhur mbrëmjen e djeshme në Tiranë, ku ka humbur jetën një fëmijë, ndërsa policia ka vënë në pranga autorin e dyshuar të aksidentit Ilir Jaçe.

Burime nga policia thanë për SYRI.net se në fshatin Prush, rreth orës 17:20 minuta një makinë tip “Dacia” me targë AA762BI, ka përplasur rëndë 10-vjeçarin me inicialet K. F., i cili është dërguar me urgjencë në spital.

Por fatkeqësisht i mituri nuk ka mundur që tu mbijetojë plagëve të marra, duke humbur jetën rreth orës 02:00 të mëngjesit të sotëm. Ndërkaq edhe shoferi i arrestuar ka mbetur i plagosur në këtë aksident të rëndë, por është jashtë rrezikut për jetën.