Aksidenti me 4 të plagosur në Dibër, arrestohet shoferi, ishte i dehur

Nga aksidenti i ndodhur dje në Dibër mbetën të plagosur 4 pasagjerë të një fugoni, ndërsa sot policia e Dibrës ka njoftuar se ka arrestuar drejtuesin e mjetit tip “Peugeot”.

Në pranga është vënë 29-vjeçari Elton Tafçiu, banues në Kllupçisht të Dibrës.

Arrestimi i tij u bë pasi një ditë më parë, rreth orës 16.30 në vendin e quajtur 3 çezmat”, në aksin rrugor Shupenzë-Bulqizë, automjeti furgon me targa AA 925 FO me drejtues shtetasin M.H 44 vjeç, që transportonte pasagjerë nga Tirana për në Peshkopi është përplasur me automjetin “Peugeot” me targa AA714 MU, me drejtues Elton Tafçiu, që lëvizte nga Peshkopia për në Tiranë.

Si pasojë u dëmtuan 4 pasagjerët që ndodheshin në fugon, ku 2 prej tyre në gjendje të rëndë dhe u transportuan me helikopter drejt Tiranës, si dhe dy të tjerë jashtë rrezikut për jetën.

Shtetasit Elton Tafçiut, iu bë testi i alkoolit me aparatin “Drager”, ku ka rezultuar nën efektin e alkoolit në masën 0.62 Mg/L.

Gjatë kontrollit të dokumentacionit shtetasi Elton Tafçiu nuk ishte i pajisur me Leje Drejtimi.

Në këto kushte u bë arrestimi në flagrancë i shtetasit Elton Tafçiu për veprat penale “Shkelje e rregullave të qarkullimit Rrugor”, “Drejtimi i automjeteve në gjendje të dehur apo pa dëshmi”.