Has, aksidentoi për vdekje kalimtarin, arrestohet pasi u largua nga vendngjarja

HAS- Aksidentoi për vdekje një 47-vjeçar e më pas u largua nga vendngjarja, arrestohet pas disa orësh autori.

Burime zyrtare nga Policia e Kukësit bënë me dije për ‘BalkanWeb’ se sot u vu në pranga Astrit Shuti, 36 vjeç, banues në fshatin Branog të Hasit, pasi në vendin e quajtur “Karburant Xhaferri,” në fshatin Vranisht, duke drejtuar mjetin tip “Ford Fokus”, me targë HS 1383 A, ka aksidentuar për vdekje shtetasin F.C., 47 vjeç, banues në fshatin Vranisht.

Sakaq, vijojnë hetimet për zbardhjen e plotë të ngjarjes.