Aksidentuan për vdekje 74-vjeçarin në Shkodër, ndalohet trenisti dhe ndihmësi

SHKODER- Policia e Shkodrës ka ndaluar dy persona në lidhje me aksidentin e ndodhur dje në afërsi të stacionit të trenit ku humbi jetën shtetasi Nikë Hasanaj.

*Brahim Ruçi, 58 vjeç, banues në Shkodër (mashinist treni)

*Jul Brraka, 55 vjeç, banues në Shkodër (ndihmës mashinist)

Ndalimi i tyre u bë më datë 18.10.2016 pasi duke drejtuar trenin e mallrave të linjës Mjedë – Bajzë, në lagjen “Tre Heronjtë” në vendin e quajtur “Ura e trenit e lumit Kir” në Shkodër, dyshohet se kanë aksidentuar për vdekje shtetasin Nikë Hasanaj, 74 vjeç, banues në Shkodër.

Materialet iu referuan Prokurorisë së Rrethit Gjyqësor Shkodër për veprën penale “Shkelja e disiplinës së punës në transportin hekurudhor” parashikuar nga neni 292 i Kodit Penal.