Aksioni/ Zbulohen mbi 4 mijë bimë kanabis, arrestohen dy kultivues

Plot 4650 bimë narkotike janë zbuluar dhe asgjësuar nëpër fshatra të Vlorës gjatë aksionit të sotëm të policisë kundër kultivimit të drogës.

Në fshatin Kallarat, në një kasolle u gjetën 100 bimë kanabis të thara brenda dhe rreth 200 bimë të tjera të mbjella jashtë saj. Në pranga ranë dy kultivues, Besmir Spaho 30 vjeç dhe Erald Gjonbrati 31 vjeç.

Gjithashtu, në fshatin Mesaplik u gjetën 2500 bimë narkotike të thara dhe 250 bimë të mbjella si dhe u sekuestruan 3 kg kanabis sativa. Në lidhje me këtë ngjarje, procedohet në gjendje të lirë 64-vjeçari me iniciale K.Ll, për akuzën e moskallëzimit të krimit.

Ndërsa në fshatin Dukat u asgjësuan rreth 1600 rrënjë bimë narkotike, për të cilat po punohet për kapjen e kultivuesve.