Aktori i njohur rrëfen betejën me kancerin: Nuk arrija të planifikoja jetën time

Regjisori dhe aktori amerikan Ben Stiller ka folur për betejën e tij me kancerin për programin radiofonik “Howard Stern Show”, disa ditë më parë.

“Më kanë diagnostikuar me kancer më 13 qershor 2014. Në 17 shtator të atij viti testi konfirmoi se unë vuaja prej tij. Në tre muaj e gjysmë kam qenë në një udhëtim të çmendur në malet ruse, të cilin mund ta identifikojnë rreth 189 mijë burra nga Amerika”,ka thënë aktori 50-vjeçar.

Teksa tregon për rimëkëmbjen që i ka bërë kësaj sëmundjeje Stiller thotë se: “Në fillim isha i frikësuar. Nuk e dija se çfarë më priste, nuk arrija të planifikoja jetën time”.

I shoqëruar nga kirurgu që e ka ndjekur, Edward Schaeffer, aktori thekson sa është e rëndësishme, që për këtë sëmundje të bëhen sa më shpejt analizat. “Kam qenë me fat, me shumë fat, sepse kanceri im u zbulua në fillim dhe kjo mjaftoi që të shërohet. Në kuptimin e vërtetë të fjalës, kjo është arsyeja pse tani unë jam duke folur”.