Akuzohet për përdhunimin e vajzës, Prokuroria: 7.6 vite burg për Gurakuqin

Prokuroria e Tiranës ka dhënë pretencën për 39- vjeçarin Fatos Gurakuqi, i cili akuzohet për përdhunimin e vajzës së tij 15- vjeçare.

Shtatë vite e gjashtë muaj burg, ishte kërkesa e dhënë sot nga organi i akuzës, ndërsa pala mbrojtëse kërkoi të ribëhet ekspertiza e së miturës, por kjo kërkesë u rrëzua.

Sipas pretendimeve të vajzës adoleshente abuzimi ka zgjatur rreth dhjetë muaj dhe kryhej nën kërcënim, gjatë kohës që babë e bijë ndodheshin vetëm në banesë.

Prangosja e 38- vjeçarit u bë pas denoncimit të bërë nga e bija, e cila tha para uniformave blu se ishte përdhunuar dhe rrahur nga i ati në periudha të ndryshme kohore.

Pasi bëri kallëzimi te komisariati nr.2, e abuzuara në praninë e psikologut ka rrëfyer gjithë historinë e saj të përdhunimit nga babai i saj, duke thënë se nuk ka treguar gjë në familje, pasi babai e rrihte dhe e kërcënonte

Nga ekspertiza e kryer analizat e AND-së konfirmuan se Fatos Gurakuqi nga Kamza është përdhunuesi i të bijës.

Ekspertiza e ADN-së, konfirmoi se kampionë të mbetjeve humane në rrobat e vajzës, kanë të njëjtin ndërtim gjenetik me kampionin e pështymës të marrë në sallën e gjyqit të pandehurit Fatos Gurakuqi.