Aleanca Kuqezi ka mbajtur një takim me 500 familje

Aleanca Kuqezi ka mbajtur një takim me 500 familje emigrantësh paraditen e sotme në Akademinë e Arteve pasi Partia Socialiste rrëzoi ligjin për votën emigranteve. Në fjalën e tij kryetari i Aleances Kuqezi, Kreshnik Spahiu deklaroi se PS gënjeu emigrantët për të drejten e votës. “Votimi elektronik i 2 milion emigranteve rrëzon qeverinë”, tha Spahiu para 500 familje emigrantesh. Më tej, ai tha se Rama viziton më shumë Beogradin sesa Prishtinën “Përpara zgjedhjeve socialistët shkojnë në Beograd dhe Athinë. Shqipëria ka nevoje per Washingtonin dhe Brukselin, jo per Serbinë, deklaroi kreu i Aleancës Kuqezi. Sipas Spahiut socialistët po improvizojnë opozitat brenda vetes duke krijuar opozitë fallco dhe djeg kauzat. Kreshnik Spahiu mbyll fjalën e tij duke theksuar se për 70 vjet asnjë ministër nuk qenë me origjinë çame dhe se Rama i ka premtuar Athinës që të mos ketë asnjë çam.