Aleati i Putinit emërohet konsull nderi i Serbisë në Rusi

RUSI-Serbia ka emëruar Gennady Timchenko, një miliarder që është aleat i presidentit rus Vladimir Putin, si konsull nderi në Shën Petersburg.

Timochenko është shfaqur përkrah presidentit serb, Tomisllav Nikoliç, në hapjen e konsullatës së nderit në Rusi.

“Do të jetë kënaqësia ime që të ndihmoj Rusinë dhe Serbinë që të gjejnë fusha për bashkëpunim”, ka thënë Timchenko gjatë ceremonisë hapëse të kësaj konsullate.

Statusi i konsullit të nderit është më shumë post ceremonial dhe nuk ka imunitet diplomatik.

Timchenko është në listën e personave ndaj të cilëve Shtetet e Bashkuara kanë vendosur sanksione, për shkak të konfliktit në Ukrainë.