‘Alo, policia? Hajduti po vjedh dy makina njëherësh’

Policia e Korçës ka arrestuar në momentin e vjedhjeve në dy makina njëherësh, një hajdut profesionist 19 vjeç pas denoncimit të një qytetari tek numri 129.

I arrestuari ishte Anxhelino Llapanji, 19 vjeç, banues në fshatin Drithas, i dënuar më parë për vjedhje.

Policia tha lidhur me këtë rast, ishte marrë një telefonatë tek numri 129 nga një qytetar, i cili u shpreh se në lagjen nr 10, rruga “Pano Xhamballa”në Korçë, një person po kryente lëvizje të dyshimta.

Menjëherë pas kësaj telefonate, u njoftuan shërbimet e patrullës së Policisë, të cilat konstatuan Llapanjin duke vjedhur vegla pune në automjetin “Suzuki” të M.I.

E pikërisht këto vegla të vjedhura, po mundohej t`i transportonte duke vjedhur një triçikël të dikutj tjetër, të F.G. të parkuar në rrugë.

Materialet në ngarkim të tij i kaluan Prokurorisë të Rrethit Gjyqësor Korçë, për veprën penale “Vjedhja” parashikuar nga neni 134 i Kodit Penal.