Apeloi që Shtëpia e Fëmijës t’i mbante foshnjën, nëna nga Korça zhduket me të porsalindurin

KORÇE- Pas apelit për ndihmë në ‘News24’ të një nëne të re 24-vjeçare, e cila kishte sjell në jetë një fëmijë, fryt i abuzimit, Paola Korritari prej 24 orësh është zhdukur bashkë me foshnjën. Rasti është denoncuar sot në emisionin “Me zemër të hapur”.

Vajza e re nga Korça, e cila vuan nga problemet e shëndetit mendor, ishte bërë pak ditë më parë nënë e një djali, ndërsa apeloi për ndihmë nga institucionet shtetërore, pasi nuk kishte mundësi ta rriste fëmijën. Ajo bashkë me nënës e saj kërkoi që Shtëpia e Fëmijës në Korçë ta ndihmonte duke i marrë foshnjën, pasi nuk kishte mundësi ekonomike që ta mbante atë. Mësohet se ky institucion i kishte mbyllur derën foshnjës.

Po ashtu bëhet e ditur se fëmija ishte i shtruar për disa ditë në spital, pasi vuante nga një infeksion i rëndë, ndërsa tashmë nuk dihet fati i tij dhe nënës 24-vjeçare.