Armina Mevlani: Ja si u ndjeva kur Sali Berisha foli për mua

Armina Mevlani, bukuroshja shqiptare  që rrëmbeu kurorën e “Miss Albania 2009, dhe që tashmë njohit si një modele dhe një fashioniste shumë e suksesshme, ka qenë e ftuar pasditen e sotme tek emisioni “Rudina”, i cili drejtohet nga prezantuesja Rudina Magjistari.

Ndonëse Mevlani ka qenë e ftuar për të folur për modën dhe eventet e ndryshme botërore ku ka qenë, nuk është evituar edhe pyetja në lidhje me Shkëlzenin apo familjen e tij.

Magjistari e ka “ngacmuar” Mevlanin në lidhje me deklaratën e pak ditëve më parë të Sali Berishës për të në emisionin “Xing me Ermalin”.

“Sigurisht që u ndjeva mirë, m’u bë qejfi”, – është shprehur Armina duke theksuar se ajo nuk ka patur kurrë probleme me familjen e partnerit të saj madje ka marrëdhënie shumë të mira.