Arrestohet mafiozi, ja vendi sekret ku fshihej prej 5 vitesh (VIDEO)

Antonio Pelle, 54 vjeç, kreu i familjes mafioze Ndràngheta është vënë në pranga pas pesë vitesh në arrati.

54-vjeçari Pelle, i njohur me nofkën “MAMA” qëndronte i fshehur në banesën e tij, në një hapësire mes dy dhomave, asaj të gjumit dhe tualetit.

Hyrja për në rifuxhion e krijuar ishte aq e vogël saqë i ngjason asaj të një kasaforte familjare.

Mafiozi fshihej në vendstrehim sapo vinin forcat e policisë për kontrollin rutinë, që kryhej në banesën e tij.

Mafiozi ishte arrestuar më parë në vitin 2008, por u arratis tre vite më vonë, pasi u detyrua të shtrohej në spitalin e burgut ku mbahej si pasojë e një anoreksie të theksuar.

Ai do të përballet me një dënim prej 20 vitesh për akuzat e trafikut ndërkombëtar të drogës, trafikut të armëve si dhe një sërë akuzash të tjera, përfshirë vrasje.

Pelle thuhet të ketë marrë drejtimin e familjes mafioze në vitin 2007, pas përleshjes me një tjetër familje mafioze, ku mbeten të vdekur 6 persona në një restorant në Gjermani./ TV KLAN