Asnjë shifër për trafikantët e arrestuar, Haki Çako: Kanabisi vietnamez u mboll në Shqipëri

Numri një i Policisë së Shtetit ka dhënë shifra të frikshme sa i përket mbjellje së kanabisit në Shqipëri.

Në një konferencë për mediat, pasi është përmbyllur misioni i fluturimeve të Gurdia di Finanza mbi Shqipëri, Haki Çako ka thënë se në total janë asgjësuar 2 milion e 409 mijë e 206 rrënjë kanabis.
Sipas tij janë konstatuar 2086 parcela dhe policia ka ndërhyrë në 2082 parcela. Çako tha se të angazhuar në misione kanë qenë rreth 3 mijë policë dhe mbi 500 mjete.

Ajo që ka qenë një problem, për Policinë e Shtetit ka qenë një lloj kanabisi që rritej 40-45 cm dhe që ka pasur një sipërfaqe 70 % më shumë se bima tjetër. Haki Çako tha se bima vietnameze ka qenë 70 % prezente në plantacione.