Balla: Të amendohet ligji për partitë politike, financuesit të bëhen publik

Deputeti i Partisë Socialiste Taulant Balla, folir për mendimin e ligjit që ka të bëjë me partitë politike. Ai tha se rregullimet ligjore duhet të bëhen sa më parë dhe të bëhet transparente financimi i partive politike.

“Rregullimet ligjore duhet të bëhen sa më parë. Ligji për partitë politike duhet të amendohet, duhet të bëjnë raportim periodik, bilance periodike, kush i financon. Gjithë jeta e veprimtaria e partive duhet të publikohen. KQZ duhet të ketë rol monitorues. Përveç KQZ edhe Prokuroria Përgjtihshm, ILDKP, Drejtoria e Pastrimit të Parave e DPT duhet të jenë të përfshira në hetime për kontrollin e burimit të fushatave të dyshimta. Financimi i partive nuk është i vetmi problem”, – tha Balla.

Në Shqipëri, funksionon sistemi i financimit miks, publik dhe privat. Ai është shprehur kundër idesë së Partisë Demokratike për ndërprerje të financimit privat. “Në Shqipëri s’do kishte kurrë më parti të reja politike, ose shteti do financojë vetëm partitë e vjetra, ekzistuese. Partitë joparlamentare s’do financoheshin kurrë ”, është shprehur Balla, në tryezën “Kosto e demokracisë”, organizuar nga Koalicioni i Vëzhguesve Vendorë.