Basha akuza të rënda: 1.2 ton kanabis i përket kryebashkiakut të Krujës…

Lideri i opozitës shqiptare Lulzim Basha thotë se sasia e madhe e drogës që u sekuestrua nga policia në zonën e Krujës, i përket kryebashkaikut të këtij qyteti Artur Bushi, i cili është i zgjedhur nga Partia Socialiste.

Kreu i Partisë Demokratike përjashton mundësinë që ky aksion anti-kanabis të jetë meritë e Policisë së Shtetit duke ia atribuuar suksesin Shërbimit Informativ Shtetëror dhe Prokurorisë.

“1.2 ton drogë të Artur Bushit u kapën sot falë punës së përbashkët të SHISH dhe Prokurorisë. Përgëzoj dhe falenderoj punonjësit me integritet dhe kurajo tëtyre dy institucioneve”, shkruan Basha në Facebook.

Nuk ka ende një informacion zyrtar nga policia e Shtetit për këtë aksion. Burime policore thanë se u sekuestruan 1.2 ton kanabis në një magazinë që shërbente për tharjen e lëndës narkotike, në fshatin Derven të Krujës.