Basha: Kryeministri tallet me viktimat

Pas deklaratave të një dite më parë të kryeministrit Edi Rama mbi rendin dhe sigurinë në vend ka reaguar sot kryetari i Partisë Demokratike Lulzim Basha.

Përmes një deklarate për mediat, kreu i opozitës shprehet se në vend nuk ka rend, por sundim bandash, vrasje dhe sulm me armë. Sipas tij, Rama u tall me 3 jetët e humbura dje, kur thotë se numri i vrasjeve është ulur.

Po ashtu Basha ka hedhur akuza mbi policinë, pasi sipas tij ka penguar hetimet për i ton drogë që u kap në Vlorë.

Deklarata e plotë e Lulzim Bashës:

Kur 3 shtetas u vrane me arme, dje Edi Rama nxorri një zhgarravinë duke thënë se po vendos rendin, se numri i vrasjeve është ulur. U tall me 3 jetë të humbura, si te ishin dele e jo njerez dhe u mburr me ate qe eshte deshtimi i tij i madh. Sepse rendi nuk ekziston. Rend nuk ka. Ka sundim te bandave, ka konflikt dhe vrasje me arme. Kete pasiguri ekstreme e ka mbjellur ai në Shqiperi, me kanabizimin e vendit, me sprapsjen e ligjit, me rreshtimin e tij dhe Tahirit në krah të krimit. Dita sot nis me dy të vrarë, një në Shkodër dhe një në Korcë. Ndërkohë dje policia me urdhër të Ramës e Tahirit i ka bërë rezistencë drejtësisë, duke penguar hetimin e duke mbrojtur 11 tonelata me drogë në Vlorë. Një bandit i qeverisë i del para prokurorit me armë në dorë në Mat duke i prerë rrugën drejt parcelave me kanabis. Ky është shteti i Edi Ramës, nderkohe qe ai llomotit ne Kuvend per drejtesine. Këtu ka përfunduar Shqipëria me Edi Ramen. Shqipëria do jetë pa krime, pa drogë, pa plehra vetëm pa Edi Ramën.?