Basha: Në Shqipëri 10 mijë ton drogë, Tahiri lufton prokurorët, lë të lirë Habilajt, Balilajt

Kryetari PD, Lulzim Basha reagoi pas publikimit të raportit të përbashkët të drogës nga Guardia di Fianca dhe Policisë së Shtetit. “Nëse afro 20 ton drogë të kapura nga policia italiane përfaqësojnë, 0,2% të drogës së Shqipërisë, atëherë në total janë 10 mijë ton drogë të prodhuar në Shqipëri”, u shpreh Basha.

Ai akuzoi qeverinë si organizatë droge, ndërsa tha se Al Kaponet e drogës janë kryeministri Rama e ministri i Brendshëm Saimir Tahiri. “Rama krihet para ekraneve, asnjë analizë, asnjë raport serioz për logjistikën për lidhjet me krimin ndërkombëtar. Gjithçka lihet në heshtje. Këto tregojnë qartë se qeveria, Rama dhe Tahiri janë brenda organizatës më të madhe të drogës. vetë qeveria, këta janë Al Kapone-t e dorgës”, tha ai.

“Në gjithë këtë proces asnjë trafikant i arrestuar përveç fakir fukarenjve që punojnë si skllevër, Habilajve dhe Balilajve nuk iu hyn asgjë në këmbë. Rama dhe Tahiri luftuan prokurorët që iu vunë kundër drogës…Brenda 3 ditëve u sekuestruan 26 ton drogë nga një aksion i prokurorisë”.