Basha i përgjigjet Ramës: Policia në kohë të vështira, kur i hap rrugë Shullazit dhe Habilajve

Kreu i PD-së, Lulzim Basha i është përgjigjur deklaratave të kryeministrit Edi Rama dhe ministrit të tij, Saimir Tahiri në lidhje me vështirësitë e policisë. Rama e Tahiri u shprehën se policia ka qenë në kohë të vështira gjatë qeverisjes së PD-së, por Basha iu ka numëruar atyre disa prej rasteve kur policia është dorëzuar para krimit.

Deklarata e plotë e Lulzim Bashës:

Nuk ka pasur kohë më të vështirë për policinë se këto 3 vite, kur duhej të bënte kujdes të mos i dilte para Emiliano Shullazit, të mos i prishte punë Balilajt, të mos pengonte Habilajt, t’i hapte rrugën vrasësve me pagesë që pret Tahiri në zyrë, të mbyllte sytë kur arratisej Frroku që vrau komisarin Lamaj, të nderonte Rroshin e Bushin, të ishte në shërbim të Ndokës e ti thonte “po shef” shumë banditëve, trafikantëve, vrasësve, të gjithë miq të Edi Ramës.

Kur pranoi sot se ka policë që duhet të ishin në burg, nuk e tha pse nuk jane burg: sepse i duhen për ruajtur drogen e miqve të tij. Prandaj i mori nga burgu ata që policet e ndershëm i kishin futur aty, dhe jua vuri mbi koke si “shefa”.

Rama tradhtoi policinë për pazaret e tij me krimin. Opozita ka 3 vite që lufton me krimin, ndërsa Edi Rama ka 3 vite qe drejton vendin me krimin.

Policia, rendi dhe siguria do jenë më mirë pa Edi Ramen.?