Basha: Qindra familje të Laçit dhe Fushë Krujës u lanë në mëshirë të fatit

Kreu i PD Lulzim Basha ka reaguar për situatën e krijuar nga përmbytjet në zonën e Kurbinit, duke akuzuar qeverinë se ka braktisur qytetarët. Në një deklaratë për mediat, Basha thotë se investimet e rilindjes bënë që me shiun e parë qytetet të përmbyten.

Ai i ka bërë thirrje që ‘të lerë propagandën dhe të marrë në dorë situatën për të ndalur çdo fatkeqësi tjetër’.

“Ndërkohë që Edi Rama rrihte gjoksin për suksese imagjinare, qindra familje të Laçit dhe Fushë Krujës u lanë në mëshirë të fatit. Këto janë investimet e rilindjes: me shiun e parë qytetet përmbyten, shtëpitë e bizneset po ashtu. Qytetaret janë braktisur nga kjo qeveri e papërgjegjshme që kujtohet për ta vetëm për t’ju marrë votën. Fatkeqësisht përmbytjet mbrëmë shkaktuan një tjetër viktimë, ashtu si edhe një vit më parë. Duke shprehur ngushëllimet për familjen e Kol Mengës që humbi jetën tragjikisht për shkak të përmbytjeve, i bej thirrje qeverisë të lerë propagandën dhe të marrë në dorë situatën për të ndalur çdo fatkeqësi tjetër dhe për t’ju ardhur në ndihmë banoreve të goditur”, deklaron kreu i PD.